عصفورة ولا منافق ياإبن صمويل حبيب(يعقوب بن كلس)
علاء رفائيل
2011-06-12 20:28:02
لما تكون منافق فى الشغل ....كل اللى شغالين معاك بيخافوا منك وبسموك عصفورة !!!! ليه ؟علشان بتاخد اخبار وافكار صحابك وتروح تبلغها للمدير بتاعك .... وساعات تانية تبقى .. منافق ومقدرش اقول اللفظ التانى .... وهو انك بتبيع اللى حواليك اياً كانوا للوصول للهدف اللى انت عاوزه .
رفيق صمويل حبيب .... داعية اسلامية ليس للإخوان المسلمين فحسب لكن للسلفيين كمان ...
الاخ رفيق كان المستشار الاعلامى للمرشد العام للاخوان المسلمين مهدى عاكف – طز فى مصر –
طبعا ايه المشكله .... عادى جدا ... لما تبقى واقف مع الناس اللى بيسبوا اهللك وناسك .. ازاى يا ليس رفيق ... تقبل انك تتعاون مع ناس مكفرينا ... ومعتبرنا كفره ....ومعتبرين اموالنا ونسائنا حلال .... طيب لوانت مقتنع بالفكر ده ...مع السلامة اسلم ونكسر وراك 10000000 زير وبلاص وععمللك زفه بلدى متعملتشى لاحسن مزة اسلمت واتجوزت .
هـــل التسلق والتملق بإنسان يخليه يبيع قضية ... بالفعل انا واثق انك معندكشى اى قضية .... معندكشى اى نوع من النخوة تجاه دينك يبقى ازاى عندك نخوة مع الناس اللى ربوك .
الاستاذ رفيق بيرجع الاحتقان الطائفى الى ما بعد النكسة !!!! شوفتوا الحلاوة والطعامة ..... يعنى مش حاسس او مش راضى يعترف بالمخطط السافل اللى حطه حسين الشافعى من خطف نســـــــــاء الاقباط واسلمة الدولة .... نسيت قبل الثورة لما اتقتل بطرس غالى ... على يد كلب ارهابى يدعى الزمرانى .... وخرج المسلمون ....يهتفون مبروك عليك يا زمرانى انك قتلت النصرانى ....
نسيت ان المحكمة كانت ترفض اعدامه لولا تدخل الانجليز فى الامر .
الاستاذ رفيق بيقول ان اعلام مبارك هو اللى خوف الاقباط من الاخوان والجماعات الاسلامية
والسؤال هنا – يا مفكر – مقعدتش مره مع الحاجة والدتك وسمعتها بتقول افتكرللك ايه يا بصلة وكل خرطة بدمعة .... ابوك القس صمويل حبيب رئيس الطايفة الانجيلية الله يبشبش الطوبة اللى تحت راسه مقالكشى كمية العمليات الطائفية الارهابية اللى عملوها الحلوين اللى انت شغال معاهم ضد المسيحين خاصة والابرياء من هذا الشعب عامة.
الاستاذ رفيق بيقوللك السلفيين معذورين لانهم لاول مره بيتكلموا فى التلفزيون
انت منافق ...ولا كداب .... ولا بتكلم ناس جهله .... هما يا استاذ رفيق معندهمش قنوات فضائية ....ماكنتشى بتعمل حاجة غير الشتيمة فينا وفى المسيح ... انت نسيت نظام مبارك – الوحش – لما قفلهم القنوات الارهابية وعلى راسها قناة الحكمة والرحمة ,,,,,, انت بتدافع عن ايه ... اتكلم كلام الناس تحاول تصدقه ...لكن انت بالفعل عميل .
الاستاذ بيقوللك ان مفيش اضطهاد !! وان المشكلة الوحيدة هى بناء الكنائس
يا راجل ارحمنى .... الحياة مش كده ابداااا ...خليت مشكلة المسيحين فى مصر فى بنى الكنائس .... صح ما المسيحى بينجح فى الانتخابات ... وبيتعين وزير ... ولو عاوز يلعب فى نادى مفيش مشكلة .... ولو عاوز يدخل كلية عسكرية ملوش كوتة ....ولو عاوز يدخل طب قسم امراض نساء مفيش مشكلة ... واخر سنة بيتعين معيد ..... وعندنا كلهم بيتعينوا رؤساء جامعات .... وعمداء .... وبيتعينوا قى السللك الدبلوماسى .... و بيتعينوا فى الجهزة المختلفة ...
نفسى اعرف والدتك قبل ماتجيب حضرتك اتوحمت على ايه ؟
شوفوا بيقول ايه الباشا :
انضميت للاخوان المسلمين لانه حزب ليس على اساس دينى ؟ ولان حزب الاخوان بيتادى بافكار اجتماعية للمسلم والمسيحى ...
ماشى حزب الاخوان المسلمين ليس على اساس دينى ...خالص ...يعنى لو هما اللى شكلوا الاغلبية فى الانتخابات اللى جاية ...و شكلوا الدستور ...هيبقى الموضوع عادى جدااااا .... مفيش حدود .... من حق المسلم ان يعتقد ما يشاء .... لا حرمانية للسياحة .... الاثار مفيهاش مشكلة .... الاقباط ليهم مثل المسلمون من حقوق وواجبات ....
وهيلغوا لا ولاية لغير المسلم على المسلم .... وهيلغوا ... كلمة طز ...لانها كلمة سلفية وهما اخوان .
من هذا الحوار نتأكد ان الاستاذ رفيق القس صمويل حبيب يريد ان يكون يعقوب بن كلس القرن الواحد والعشرين .... وكما فشل يعقوب بن كلس فى عهد المعز سيفشل ....عدو كريه
نستطيع ان نتأكد ان رفيق ما هو الا يهوذا .... بل اسوا من يهوذا ....
فى النهاية رفيق حبيب له كثير من المؤلفات مطبوعة فى دار الشروق ....مع العلم ان والده هو مؤسس لدار نشر كبيرة وهى دار الثقافة فالسؤال لماذا لم تنشر له هذه الدار افكاره اللوزعية
الأقـــــــــــباط الأحـــــــــــرار
أرسلت بواسطة
أنجيل فكري
فـي
Monday, June 13, 2011
. تحت باب
Featured
,
كاتب ورأي
.
لا تدع أي مقالة اخري تفوتك، فقط اشترك في قائمتنا البريدية
من هنــا
أو
Subscribe to imcoptic by Email
ليصلك كل مقالاتنا في أنا قبطي فور صدورها... وكذلك نتشرف دائما بتواصلك معنا ومتابعتنا من خلال
twitter
وأيضا
facebook
وكذلك عبر
اتصل بنا
..
رابط html مباشر:
التعليقات: