أنا إنسان
بقلم:د / وجيه رؤوف
أنا إنسان
أنا إنسان مهما كان
مش مهم أكون مؤمن بالإنجيل أو القرآن
أنا إنسان
مالكش دعوه بيا وبعلاقتي بالرحمن
أكون مسلم أو مسيحي أو حتى مش مؤمن بالأديان
أنا إنسان
أيه دخلك أنت بيا وليه تعبان
وعاوزنى ليه أكون زيك دايما غضبان
أنا إنسان
عاير أعيش في هدوء ومحبه مع كل إنسان
لاعايز أعادى ده ولادة ولا عايز أكون نكدان
أنا إنسان
مش مهم أكون زيك ودا البرهان
لوكان ربنا عايز كده كان وحد الأديان
أنا إنسان
أنا ما باجيش ناحيتك وماليش عليك عدوان
ليه تكفرني وتدعى عليا بالذل والهوان
أنا إنسان
مبتسم وعايش يومي بالشكر والرضوان
وفيه ناس كثير تشوفني تقول عليا غلبان
أنا إنسان
مش حرام تفتري عليا بالزور والبهتان
وتدعى عليا أدعيه ما أنزل ألله بها من سلطان
أنا إنسان
ياعم ما تخليك في حالك ولا أنت قاعد فضيان
شوف لك شغله أو مصلحه ترفع شأن البلدان
أنا إنسان
عايز أعيش واشتغل وأعلى البنيان
لكن كل ما أعلى البنا تهدمه مع الشيطان
أنا إنسان
لو عايز ترضى ربنا إسعى بأمان
صالح الناس وحبهم يرضى عنك الرحمن
أنا إنسان
أنا أبن آدم ومش عايزك تكون غضبان
أرمى عنك الشر وسيب سكه الشيطان
أنا إنسان
وبانصحك دى مش سكه الآمان
دى سكه الندامه ودى سكه أخرتها مع الشيطان
أرسلت بواسطة
أنجيل فكري
فـي
Wednesday, October 19, 2011
. تحت باب
Featured
,
كاتب ورأي
.
لا تدع أي مقالة اخري تفوتك، فقط اشترك في قائمتنا البريدية
من هنــا
أو
Subscribe to imcoptic by Email
ليصلك كل مقالاتنا في أنا قبطي فور صدورها... وكذلك نتشرف دائما بتواصلك معنا ومتابعتنا من خلال
twitter
وأيضا
facebook
وكذلك عبر
اتصل بنا
..
رابط html مباشر:
التعليقات: