جون البرت: شهادتى عن ما حدث امام المنطقة الشمالية بالاسكندرية "مظاهرة الاقباط" 10\9\2011
ما حدث امام المنطقة الشمالية و ربطة بالاحداث الجارية
ببساطة شديدة...اول ما وصلت كان العدد هو 200 او 300....بلف شوية ف المكان..ادور على صحابى..بس شفت مخبر فاكر وشة....و بعد اليوم ما خلص عرفت ان "خالد غرابة" بنفسة كمان كان هناك...و الحمد لله احد الاصدقاء صورة.
و فى نفس المنطقة دى لاحظت مشكلات عبيطة بتحصل...واحد عايز يعدى بموتسكل...و اللى واقف بيكلمة بطريقة ملهاش لزمة...نزلة يشدو ف بعض شدة ملهاش اى لزمة....حبة يجى من هنا..و حبة من هنا...و يهدو..و تبتدى وحد جديدة.
يعنى موضوع معتاد فى كثري من الوقفات و يعرفها المشاركين باستمرار
و مع بداية كثرة المشكلات العجيبة اللى بتظهر دى...مجموعة من الاقباط قالت يلا نرجع ع المكتبة...كان فى الوقت دة ابونا لسة خارج من المنطقة الشمالية بعد ما دخل للحديث مع الجيش
عرفت ان اللى حصل هو شوية وعود و الجلوس القريب مع عصام شرف...و كلام اوهام كدة يعرفو و اعتاد علية المتابعين للاعتصامات و الاضرابات.
رحت مزعق عشان ابونا يسمعنى و هو ف العربية
"يا ابونا عصام شرف اية و وعود اية اللى بيقلوهلنا نصدقها...هوا احنا مبنتعلمش من 8 شهور فاتت خالص"
فراح شاورلى قالى تعال....فرحت و وطيت عند شباك العربية عشان اسمعة
فقالى ::"ان تجمعت ابواب جهنم..فالرب يحمينى"
تخطيت فكرة انى بكلم ابونا مش حد سلفى...و قلتلة" جميييييل...مهو احنا لازم نتحرك عشان نعمل اللى ربنا عايزة"
وسط و انا بقول لازم نتحرك كان هو بيهز راسة بالنفى...فقلتلة
"اية دة...هو ربنا قال نعد فى البيت و هو هيجيب حقنا"....قالى اة
رحت بايس ايدى وش و ظهر و وسعت من على العربية و قلتلة اتفضل يا ابونا.
-عرفت بعدين ان نفس القس هو اللى قال للناس ف احداث الكنيسة القديسين امشو بردو.
المهم...بعد ربع ساعة من الحديث دة....حيسنا بهرج و مرج...و جم شوية شباب..من اللى اعتقد انهم مندسين...بيقولك اجرى يلااااااا
كلينا جرينا...عايز اقولك ان من اول شارع سيدى جابر للاخر بسال كل اللى بيعدى جنبى...هو مين بيضرب ..يقولى معرفش....كلللللللة بلا استثناء.
و قفت اصور شوية...بس بردة سمعت اجر يلااا...بس المرة دى شوفت طوبة ف الهوا..رحت كملت...
وصلت دلوقت لاخر الشارع...ببص جنبى.واحد بيكسر طوب....يا عم بتكسر لية..مفيش حد..متكسرش حاجة...بس شكيت ان دول ممكن يكونو من المندسين..خاصة و انا اذ فجاءة لقيتو بيكسر الاعلانات اللى فى الرصيف الوسطانى..
خاصة كمان بعد كدة لما لقيتو تانى بيكسر طوب و مسكة ف ايدة و عدى الشارع و بعدين رماها على عربية و جرى عكس ما احنا كلنا جرينا.
ثم اتجهت مع الاقباط لمكتبة الاسكندرية....المشكلة تتلخص فى ان اغلب الاقباط اول مرة يشركو فى مظاهرات...فبالتالى ما يحدث هو فيلم عجيب يعيشون فية..خاصة بعد ما شاهدوة على التلفزيون
و هذا ادى الى عددم التنظيم الجيد على الاطلاق...و دة اللى خلاهم ساعة كاملة بيحولو يعرفو يعتصمو هنا ولا عند المكتبة ولا يمشو...بل استكر هذا الحديث الى الساعة 11....مع بداية ظهور مشكلات عجيبة بردو....المهم ..الناس اتفقت انها تمشى...و مشيت
فى النهاية....نقول دول مجموعة ناس..مسكين خشبة على هيئة صليب...و بيطلبو بحجات..و اتحهة مسبيرو.....يومت منهم 19 واحد برصاص و دهس بالمدرعات فعلا
جثث قتلى ومصابون أقباط في مدخل مبنى قناة 25 يناير خلال أحداث ماسبيرو اليوم 9 أكتوبر
نصيحة اخيرة و ابدية...ارجوك متصدقش كلام الاعلام اطلاقا...و انزل بنفسك موقع الحدث و اقف بعيد و اتفرج...ارجوك...والله العظيم بتفرق اختلاف قد يكون اختلاف كامل بين ما تراة على الشاشة و تسمعة..و بين ما ستراة و تسمعة على ارض الواقع
أرسلت بواسطة
رابط html مباشر:
التعليقات: