ماركو وماريو ومشيئة الله
الراسل: مايكل سامي
اتنين توأم واحد اسمه ماركو والتاني اسمه ماريو، بيعملوا كل حاجة زي بعض وبيروحوا أي مكان مع بعض، كانوا بيعانوا من إفراز دموع من العين اليسرى وهذا الموضوع كان ملازمهم منذ الولادة. ذهبا إلى أكبر الدكاترة المتخصصين في علاج العيون، وتم عمل تحاليل وأخذوا كل العلاجات اللازمة، ولكن كل المحاولات باءت بالفشل.
وفي إحدى المرات قررت الكنيسة أن تقوم برحلة لأحد الأديرة المشهورة بوجود أب راهب بها معروف عنه القداسة والبركة، قررا أن يشتركا في هذه الرحلة، ليقابلا هذا الراهب كي يصلي لهما، وأيضًا ليأخذا بركة المكان، ولكن تأجلت الرحلة عدة مرات بسبب ظروف خارجة عن إرادة منظميها، مرة بسبب سوء الحالة الجوية وهبوب عاصفة ترابية، ومرة بسبب الأمطار الغزيرة، ومرة بسبب وفاة والد أحد الخدام، فقرر ماركو أن يعتذر عن هذه الرحلة، وبالفعل قام بسحب اشتراكه لأنه اتشائم وقال : كده ربنا مش رايد إننا نطلعها، ولو طلعناها الأتوبيس هيتقلب أو هيحصلنا حاجه في الطريق.
لكن ماريو قال: انت ازاي تدخل في مشيئة ربنا وتترجمها على هواك؟
رد ماركو وقال: ما هو طالما ربنا أجلها اكتر من مرة يبقى أكيد هيحصل حاجة وهو مش رايد إننا نروحها.
فقاطعه ماريو بالكلام وقال له: ربنا أجلها أكتر من مرة علشان ممكن كان هيحصل حاجه وحشة لينا في المرات اللي فاتت.. ولكن طالما اتحدد معاد وثبت يبقى خلاص ربنا أراد إننا نطلعها.
رفض ماركو رأي أخوه وقال له: روح انت وأنا هقعد في البيت.
وبالفعل ذهب ماريو إلى الدير مع رحلة كنيسته، وظل ماركو في البيت قلقًا على أخوه، وكل لحظة يتصل به كي يطمئن عليه وعلى وصوله.
ويا للمفاجأة..
إذ يصل ماريو للدير ويسأل عن الراهب فيقولون له أنه كان مسافر لمده 6 أشهر ووصل بالأمس، وبالفعل تقابل ماريو مع الراهب وصلى له على عينه وأصبحت سليمة تمامًا، لا يوجد بها أي آثار للأعراض القديمة، عندما علم ماركو هذا فرح لأخيه جدًا، ولكن حزن على نفسه وحزن أنه فسر مشيئة الله على هواه.
علمتم يا أعزائي لماذا كان الله يؤجل هذه الرحلة؟؟
لأن لو كانوا ذهبوا منذ أن تحددت أول مرة.. لما وجدوا هذا الراهب بسبب سفره.
عزيزي القارئ ..
مش معنى إنك صحيت من النوم ولقيت الميه مقطوعة يبقى اليوم بيبان من أوله.
مش معنى إنك كنت رايح مشوار والكاوتش فرقع يبقى ربنا مش رايد إنك تروح المشوار ده.
مش معنى إنك داخل على مشروع خطوبة وحصلت حالة وفاة يبقى ربنا مش رايدهالك.
مش تترجم مشيئة ربنا على هوااااااااااك.
لو ربنا مش رايدلك حاجة هو اللي هيخفيها من حياتك أو هيبعدك عنها بمعرفته.
لكن مش تترجم مشيئة ربنا علي هوااااااااااك.
قول يارب اعمل ليا الصالح واجعلني كالخشبة الملقاه في المياه التي تحركها الأمواج.. فارسل لي أمواج مشيئتك لتحركني كما تشاء.
أرسلت بواسطة
أنجيل فكري
فـي
Thursday, July 21, 2011
. تحت باب
Featured
,
كاتب ورأي
.
لا تدع أي مقالة اخري تفوتك، فقط اشترك في قائمتنا البريدية
من هنــا
أو
Subscribe to imcoptic by Email
ليصلك كل مقالاتنا في أنا قبطي فور صدورها... وكذلك نتشرف دائما بتواصلك معنا ومتابعتنا من خلال
twitter
وأيضا
facebook
وكذلك عبر
اتصل بنا
..
رابط html مباشر:
التعليقات: